--------------------------------------------------------------------------------
السلامـ عليكمـ ورحمة الله
ييتكمـ أنا وروايتي ..
الروايه الأولى لي بعنوان..
" آآآآهـ يـا دنيــا غريبـــهـ "
حقووق النشر محفوظه لـ عطـــــر السلاطين ..
أتمنى التشجيع منكم ..
وبكوون متابعه لملاحظاتكم واستفساراتكم ..
كوني معي ..
بنغووص فأحداث الروايه ..
مستعدين !!!
بس قبل ...
بعطيكم نبذه عن الروايه ..
عباره عن عايله بدويه..أصلهم من "منطقة الباطنه" في عماان ..
بس انتقلوا للعاصمه مسقط من سنين ..
استقروا في مسقط ..بحكم أشغالهم والجامعات والكليات والمدارس..
الشخصيات بتتعرفوون عليهاا من خلال الأحداث..
ملاحظه مهمه :::
بطبيعة الحال اللهجات في السلطنه لا حصر لها ..
في اللهجه الحضريه ..واللهجه البدويه ..
وفي مفردات تكون خاصه بمنطقه معينه أو ولايه معينه ..
وفي هذي الروايه ..اللهجه المستخدمه هي اللهجه اللي انا شخصياً تربيت عليها ..
عشان اكوون مرتاحه في كتابة الروايه وتكوون عفويه أكثر ..
الروايه لها طابعهاا العماني الخاص ..
وإن كان هناك بعض التشابه مع دول الخليج ..وهذا شي طبيعي ..
|| البـــــــــارت الأول ||
.
\
ـــــــــ!! في بيت بو سعيد !!ـــــــــ
يوم الخميس الساعه 9:00 صباحاً.....
اليده أم خالد ..اليده ساكنه مع ولدها ناصر [ بو سعيد ] وعياله ..وساكن معاهم أصغر عيالها "عبد العزيز " كانت يالسه في الصاله :عبووووود عبوووود الله يخس ابليسك ... حشى ما تقولون ولد شيطان عفانا الله.... لا حول ولا قوه ما يهياك تقر فمكان واحد ...يعني اتعدمت الأماكن عشان تسوي هالحشره عدال حجرة عمك ..تعبااان يباا يرتاااح ؟؟!بعده ما يعبرني !!!! عبووود ماااا تسمع ع ع ؟؟!!!!حسبي الله عليييك يا عبوود حسبي الله عليك..انا موتي بيي على ايد هالصبي ..
عبادي (عبد الله ) عمره 7 سنوات صف الأول وهو ما شاء الله عنده طاقه (مفرطه) زياده عن اللازم كله يبا يتحرك ويلعب ويشاغب يشاوط من مكان لين مكان ما ايلس ضيقبها يدته وحليلها والغم مسوي ازعاجه عدال حجرة عمه عبد العزيز عاااد كله ولا عزووز دلوع امه طبعا هو كبير عمره 21سنه ويالس في البيت مخلص دراسه ومب لاقي شغل ...أصلا هو ما يدوّر شغل طول الوقت راقد ولا برع البيت مع ربعه ..
عبادي :أمي كم أهواااااااااااهااااااا أشتااق لمخباهااا هههههههههااااي ...
وينط ولا بعد يغني بصوت عالي شاال البيت فوق راسه ...
اليده [شويه وبتنفجر ] :تشتاق لمخباهااا اسميك سوالف ..فطووووم ... مرووه ..[ تزقر على خوات عبااادي ]..لكن لا مجيب ما يسمعنها يالسات فووق فحجرهن ..
وفي هاللحظه يات شيخه( أم سعيد) كانت طالعه من المطبخ تشوف البشكاره شو بتسوي من الغدى وطبعاا سمعت اليده ..
أم سعيد : خير عمتي ... شو مستوي ؟؟!!
اليده : زين يوم حد عبرني .. ما شاالله عليج وعلى بناتج امررره ما يحتاي ما اواحي انطق بأساميكن إلا اشوفكن قدامي ...
أم سعيد : سمحيليه ما سمعتج والبنات أكيد ما سمعنج فحجرهن... بغيتي شي ؟؟
اليده [ مفوله ]:ما با منكن شي ...
أم سعيد فخاطرها (كل هذا آخر شي ما تبين شي الله يهديج يا عمتي ) لفت تبا ترووح عنها ..
اليده : تعاالي .. ما صدقتي على الله انتي ...شلّي ولدج ... اسميج ما عرفتي تربين ..
أم سعيد : منو ؟؟ عباادي فديته شو سوى ؟!عباادي حبيبي تعاال ..
عبادي:أميييي (وبصريخ بعد مب شوي شوي ) أبااااا ألعب أنااا ...اليوووم اجازه صح!!
أم سعيد( مدلعتنه آخر العنقود هذا ) :هيييه ..العب فديتك ما علييه ..
اليده (ذبحها بروود أم سعيد ) :الله يخسج .... عزوووز هلكان يبا يرقد وانتي تقوليله العب ما علييييه ..!!!!!
وفي هالأثناء ياهم عمر ولد الجيران ربيع عبادي وكملت ..!!!
عبااادي (أول ما شافه ) :عموووور تعااال تعااال ..أبويه اشترالي سيكل كبيييييييير ..
عموور(فرحان): والله ...ويييييييينه ؟؟
اليده (ماسكه راسها ) :يالله بالعافيه... راااااسي ..راسي ..حسبي الله عليكم..كملت كان ناقصه !!!
أم سعيد: حبيبي عباادي سير العب فالحوش انته وعمر ... يدتك تصدعت وعمك راقد بتوعوونه ..
عبادي (وهو يسووق السيكل ويصرخ وعمر يركض وراه ): عمووور تعااال بنسير برع أوسع .....
أم سعيد :هيييه حبيبي برع أوسع إلعبوا هناك يلسوا تحت المظله...ولا تسوون ازعاج انزين أميييي ..
..طلع عباادي هو وعمور ويلسوا يلعبون فالحوش ..اليده يحليلها واااايد طيبه وحنونه بس عصبيه شويه ..بما انه اليوم الخميس والكل اجازات فالعايله كلها تتجمع فبيت بو سعيد للغدى لوجود اليده هناك...أول الواصلين كانت شمسه بنت اليده الوحيده من بين 3 شباب ...واحد منهم عرفتوه اللي هو بو سعيد وأصغرهم عبد العزيز اللي بعد ذكرناه ... بقى وااحد اللي هو بو وليد(خالد) بتتعرفوون عليه أكثر قريب ..والباقين بتتعرفون عليهم أكثر بعد ..اووووه صح نسيت أخبركم إن عندهم أخو ثاني اسمه محمد بس الله يرحمه توفى من ثلاث سنين وهو أكبر من عزووز بسنتين كان الله يرحمه يدرس فالجامعه .. وسبب وفاته انه كان رايح مع ربعه رحله لمنطقه سياحيه من مناطق السلطنه(قريات) ... المكان كان حلوو واايد فيه أوديه وشلاالات ...لكن المشكله انهم أول مره يروحون هناك وما يعرفون الاماكن الخطره ... فنزلوا يسبحون فالوادي ... والوادي سحب واحد من ربعهم ...محمد بغى يساعد ربيعه ... للأسف راااااااح معاه ... واثنين منهم كانوا داشين معاهم عشان يساعدونهم بس من حسن حظهم قدروا ينقذونهم قبل لا ياخذ الله أرواحهم ...وهذي قصه محمد بإختصار ...اللي موته طبع فصدر أمه الحزن والهم والخووف الشديد على عيالها وخصوصا عزووز لأنه شاب متهوّر وما اييلس فالبيت فمدلعتنه واااايد لأبعد الحدوود ... تحااول قد ما تقدر انها تلبيله كل طلباته ..
دشت شمسه ومعاها بنتها الوحيده سااره أما ريلها فما قدر يقعد معاهم عنده شغل واايد ...ساره عمرها سنتين يابتها شمسه بعد 8 سنين ..فكان وجود ساره له طعم ثاني ساروونه شي مميز فالعايله ياتهم بعد 8 سنوات من الإنتظار والعلااج ..وطبعا سلمت شمسه على أمها وحرمة أخوها أم سعيد ..فطووم ومرووه نزلن يتناقزن عشان يسلمن على عمتهن الوحيده والدلوعه ساروونه ...
فطوم (بنت بو سعيد عمرها 20.. سنه ثالثه فجامعة السطان قابوس كلية العلوم ):سارووني حبيبي حياتي عمري وينج انتي هاا؟؟!(وتلاعبها وسويره مستانسه لأنها يوم تيي معاهم تحصل اهتمام كبيير الكل حاطنها فوق راسه ..كيف لا وهي بنت عمتهم الوحيده وتعتبر أصغر وحده فالعايله كلها ) اشتقت لج يالدلوعه ... اموااااااح ..
مرووه (اخت فطوم وهي صف ثاني ثانوي ):بسج عاااد فطيم عطيني اياها فديتهاا ..
فطووم : مرووه دخيلج لا تغثيني البنيه ما تباج تباني أنا ..
ميثوه : ومنو قالج ما تباني ..أصلا هي تحبني أنا أكثر وحده ..
فطووم :يا مروه .. يا أختي العزيزه ..انتي تشوفين سارونتي وايد نعومه و رقيقه ما تحب تتعامل مع الدفشين أمثالج ..
ميثوه :الحين أناا استويت دفشه ..؟؟!!!
سارونه تضايقت منهن وراحت صوب أمها ..
شمسه : حبيبي سويرة أمهاا (وتبوسها من فوق راسها )...
اليده :والله ونـــوّر البيت ..تعالي سويره تعالي حبيبتي سلمي على يدتج ...
شمسه:ساره منو هذي يدووه ؟!
سارونه(ببراءه) : يدووه.. يدووووووه مالي أنا ..
شمسه: هيييييه ماما يدوووه مالج ههههه روحي سلمي عليها ..
وتسير سارونه صوب يدتها ...فطووم ومرووه يصفقلها ..
فطووم :يا سلاام ع الأدب هههههه..
مرووه : عااشت سااره عاشت ههههه ....
أم سعيد : بسم الله ع الياهل من تعليقاتكن ....ما تسكتن !!!
فطوم ومرووه بصوت خفيف :الحين شو سوينا حشى...
اليده (تحضن سارونه وتبوسها من فوق راسها ):صلاة محمد ع النبي ...ربي يحفظج سويره من كل شر ...الله يخليج لهلج غناتي ...(تشوف على القلب اللي لابستنه)الله منوو شرالج هالقلب الغاووي ..ما شاء الله ..
مرووه(ماده ايدها لسويره وبمرح):ساروني ...تعالي حبيبتي يايبتلج بتاتس (سارونه تسمي البطاطس بتاتس ) من المدرسه ...
فطوم : يالله مرووه سياسيه ....ليش تقصين عليها ؟؟
مرووه :والله والله إني يايبتلها ...
يدش عبادي ومعاه عمـــوور ...
عبادي (وهو يتشقلب ما شاء الله عليه يسوي حركات يوقف على يدينه ويتقلب):ساااااااااااروووووه ..
سارونه (فزت من حضن يدتها يوم شافت عبادي… تحبه يونسها هي حليلها فبيتهم كله تلعب اروحها بس يوم تيي هنيه غيير تلقى حد تلعب معااه ):أبااااااااااااااادي (تبا تقلده تسوي نفس حركاته )..
عبادي :سااااروووه ما ترووووم تسوي مثلي ههههههههه..
عموور :عبادي يايب شريط مال دراجات يلاا بنروح نشغله فالبلاي ستيشن ...
عبادي :يلاااااا سارووووه تعااااااالي ..
وساااروا اليهاااال فوق فحجرة عبادي ....
ــــــــــــــــــ!!! في بيت بو ناصر !!!ـــــــــــــــــ
شيما(تصير بنت عم فطوم ومرووه وهي صف ثالث ثانوي ):مريوم حبيبتي بلبس شيلتج العنابيه أوكي ...
مريم(أخت شيوم.. وفطوم مب بنت عمها بس هي توأم روحها يموتن ع بعض والفرق بين أعمارهن شهور بس حتى مريوم فكلية العلوم مع فطوم )...
مريوم (وهي تسحي شعرها الطوييييل وفوق هذا حلووواااايد وكثيف وأسود سواااد الليل ....ما ردت ع شيوم تحط عمرها مشغوله ومب منتبهه لشيوم ):...........
شيوم (محترقه من داخل بس مستحمله ما تبا تضارب عشان ترضى مريوم تعطيها الشيله ):مريوم ما سمعتيني فديتج ..أقولج أبا شيلتج العنابيه ..
مريوم (تلف شعرها ):آسفــــــــه....
شيوم (بترجي ) : دخيلج مريوم لون الشيله يناسب جلابيتي ...
مريوم :تعرفيني انتي ...كله ولا هذي الشيله بالذات ...
شيوم :انزين أنا شو بسويبها يعني ؟! إلا بلبسها ...
مريوم :إلبسي شيله سوداء تناسب كل شي ..
شيوم :حراام عليج مريووم ,.خاطري فيهاا ..
مريوم": لا تحرمين ع كيفج ونوووو يعني نووو ..خلاص لا تتعبين عمرج ..
شيوم(بخبث): أوكي ما بتعطيني ...بخبر رشوود (أخوها ..الثاني بعد أخوهم الكبير وليد وهو مهندس يشتغل فالديوان عمره 25 ) عن ذيج السالفه ...
مريوم (وهي مرتبكه ):أأ....أي سالفه ؟؟!
شيوم (بمكر):احم احم انتي تعرفين زين مب لازم اوضح ...
مريوم (فيها غم على شيوم تهديد يعني ):يا الدبـــــــــــــــه ...
شيوم (تنسدح ع الكرفايه ) :المهم .....تخيلي رشووود شو بيسوي يوم بيعرف ...
مريوم (تأشر بايدها على شيوم ):شيووم يا ويلج إن خبرتي رشوود....أصلا حتى أنتي بتغيبين منه..
شيوم:عيل عطيني الشيله ..
مريوم (استسلمت ) :برايج شلّيها ..
شيوم(نجحت في المهمه ):هههههههه....
مريوم :لييييش تضحكين ؟؟ .....خلاص رجعي الشيله ...
شيوم :لاااااااا لاااااااا بس بسكت (تحط ايدها ع ثمها )..
أمهن دشت عليهن .....
أم وليد :انتن شو تسون هنيه ...متى ناويات ان شاء الله تروحن بيت عمكن هاااا؟؟
ولا يعيبكن تتمخطرن قدام العرب ؟؟!!
**بيت قوم عمهم قريب وايد بس وسطهم مسجد فإذا تأخرن لين وقت صلاة الظهر ما بيرومن يروحن بيت عمهن لين ما يخلصون صلاة ****
مريوم:أمييي خلاص جاهزين نحن ...ما ورانا شي ...
أم وليد :يله عيل ...
وهم طالعين من باب البيت دخل وليد مع حرمته ميره (وليد ماخذ بنت خالته معرسين من 4 شهوور وساكنين اروحهم فبيت ايجار في منطقه غير عن منطقة أهله ) وليد وحرمته سلموا على أمه وخواته وراحوا كلهم بيت بو سعيد ...من دشوا بيت بو سعيد سلموا ع اليده وأم سعيد وبناتها وشمسه وكل واحد يسأل عن أخبار الثاني وعلومه ....وبعدين روّح وليد عنهم قال انه يبا يروح يسلم على ربيعه اللي من زمان ما شافه ....وربيعه فنفس المنطقه مب بعيد عن بيت عمه لين يتجمعون العرب كلهم لأن الصاله كلها حريم بس ..
فطوم ومرووه وشيوم ومريوم اتجمعن ع صوب بعيد شويه عن الحريم عشان ياخذن راحتهن فالسوالف والتعليقات ...
شيوم (تسأل مرووه ):عيل وين ساارووه ما اشوفهاا ؟؟!!
ميثوه(تشرب ماي):فوق مع عبادي ..
شيوم(بإستغراب):اروحهم فوق ؟؟!!
مرووه (تنزل كوب الماي وتحطه ع الطاوله ): هييييه ....أووووووه تصدقين من وقت يالسين هناك ما أدري شو يسوون !!!!
فطوم :مرووه سيري شوفيهم ...هذيلا ما يتخلون ارواحهم لا يلعبوون بشي !!
مرووه راحت تشوفهم ومعاها شيووم ......
في هالأثناء يدش رشود (أخو شيوم ومريوم إذا تذكرون )كان راد من المطار يستقبل ربيعه سلطان اللي يدرس فأمريكا ...رشود نشيط قايم من الفير مب مثل بعض الناس...
رشود:السلام عليكم ..
الكل: وعليكم السلام ..
اليده :شهباتك يوليدي ؟؟
رشود:الحمدلله يدووه اشحالج انتي عسااج طيبه ؟؟
اليده :دامني أشوفكم يوليدي أنا بخير وما أشكي باس ..
رشود :الله يخليج لنا ويطول فعمرج إن شاء الله يا شمعة البيت ..
أم سعيد :اشحالك راشد ؟؟
رشود:الحمدلله ..انتي اشحالج ؟؟
أم سعيد :ربي يعافيك ...
شمسه :وشحاالك رشوود ؟! وينك انته؟؟
رشود :هلا بعمتيه والله هلا يا حيها العمــه منوور البيت منوور..
شمسه(تعاتبه): منوور هاا ..ناسي ان عندك عمه ..ما تقوول برووح اشووفهاا أسأل عنهااا أسلم عليهاا..
رشوود:ههههه والله حراام علييج عمتيه تعرفين انا واايد بزي..
شمسه(بعدم اقتناع):والله ..زين زين ..
رشود:ولا تزعليييين بنييج انا وسعيييد يووم وحده ..كم عمه نحن عندنا ..إلا عمه وحده هههههههه ..
شمسه:ماشاء الله يبتهااا بقافيه وحده ههههه..
رشود:امبوني شاطر في الأدب والشعر انااا ..افاا عليج بس ..
أم وليد:ولديه هاااا هباته ربيعك ؟؟!!
رشود :الحمدلله أميييي يسلم عليكم ..
الكل :الله يسلمه ...
مريوم": أقول رشود ما تعبت تسلم عليهن وحده وحده ..ههههههه..
فطوم:مريامي دوريله جمله مختصره بحيث انه يسلم عليهن كلهن بدون لا يرهق عضلات لسانه هههههههه..
رشود:اندوكم ....أقووووووول سكتن سكتن خربتن الجو ...أوف حر حر ..
مريوم :قوول والله ...
رشود:ما بقول كيفي ههههههه.....
مرووه تصرخ من فوق :فطووووووووووووووووووووم فطوووووووووووووووووم تعالي شوفي الكاااااااااارثه !!!!
السلامـ عليكمـ ورحمة الله
ييتكمـ أنا وروايتي ..
الروايه الأولى لي بعنوان..
" آآآآهـ يـا دنيــا غريبـــهـ "
حقووق النشر محفوظه لـ عطـــــر السلاطين ..
أتمنى التشجيع منكم ..
وبكوون متابعه لملاحظاتكم واستفساراتكم ..
كوني معي ..
بنغووص فأحداث الروايه ..
مستعدين !!!
بس قبل ...
بعطيكم نبذه عن الروايه ..
عباره عن عايله بدويه..أصلهم من "منطقة الباطنه" في عماان ..
بس انتقلوا للعاصمه مسقط من سنين ..
استقروا في مسقط ..بحكم أشغالهم والجامعات والكليات والمدارس..
الشخصيات بتتعرفوون عليهاا من خلال الأحداث..
ملاحظه مهمه :::
بطبيعة الحال اللهجات في السلطنه لا حصر لها ..
في اللهجه الحضريه ..واللهجه البدويه ..
وفي مفردات تكون خاصه بمنطقه معينه أو ولايه معينه ..
وفي هذي الروايه ..اللهجه المستخدمه هي اللهجه اللي انا شخصياً تربيت عليها ..
عشان اكوون مرتاحه في كتابة الروايه وتكوون عفويه أكثر ..
الروايه لها طابعهاا العماني الخاص ..
وإن كان هناك بعض التشابه مع دول الخليج ..وهذا شي طبيعي ..
|| البـــــــــارت الأول ||
.
\
ـــــــــ!! في بيت بو سعيد !!ـــــــــ
يوم الخميس الساعه 9:00 صباحاً.....
اليده أم خالد ..اليده ساكنه مع ولدها ناصر [ بو سعيد ] وعياله ..وساكن معاهم أصغر عيالها "عبد العزيز " كانت يالسه في الصاله :عبووووود عبوووود الله يخس ابليسك ... حشى ما تقولون ولد شيطان عفانا الله.... لا حول ولا قوه ما يهياك تقر فمكان واحد ...يعني اتعدمت الأماكن عشان تسوي هالحشره عدال حجرة عمك ..تعبااان يباا يرتاااح ؟؟!بعده ما يعبرني !!!! عبووود ماااا تسمع ع ع ؟؟!!!!حسبي الله عليييك يا عبوود حسبي الله عليك..انا موتي بيي على ايد هالصبي ..
عبادي (عبد الله ) عمره 7 سنوات صف الأول وهو ما شاء الله عنده طاقه (مفرطه) زياده عن اللازم كله يبا يتحرك ويلعب ويشاغب يشاوط من مكان لين مكان ما ايلس ضيقبها يدته وحليلها والغم مسوي ازعاجه عدال حجرة عمه عبد العزيز عاااد كله ولا عزووز دلوع امه طبعا هو كبير عمره 21سنه ويالس في البيت مخلص دراسه ومب لاقي شغل ...أصلا هو ما يدوّر شغل طول الوقت راقد ولا برع البيت مع ربعه ..
عبادي :أمي كم أهواااااااااااهااااااا أشتااق لمخباهااا هههههههههااااي ...
وينط ولا بعد يغني بصوت عالي شاال البيت فوق راسه ...
اليده [شويه وبتنفجر ] :تشتاق لمخباهااا اسميك سوالف ..فطووووم ... مرووه ..[ تزقر على خوات عبااادي ]..لكن لا مجيب ما يسمعنها يالسات فووق فحجرهن ..
وفي هاللحظه يات شيخه( أم سعيد) كانت طالعه من المطبخ تشوف البشكاره شو بتسوي من الغدى وطبعاا سمعت اليده ..
أم سعيد : خير عمتي ... شو مستوي ؟؟!!
اليده : زين يوم حد عبرني .. ما شاالله عليج وعلى بناتج امررره ما يحتاي ما اواحي انطق بأساميكن إلا اشوفكن قدامي ...
أم سعيد : سمحيليه ما سمعتج والبنات أكيد ما سمعنج فحجرهن... بغيتي شي ؟؟
اليده [ مفوله ]:ما با منكن شي ...
أم سعيد فخاطرها (كل هذا آخر شي ما تبين شي الله يهديج يا عمتي ) لفت تبا ترووح عنها ..
اليده : تعاالي .. ما صدقتي على الله انتي ...شلّي ولدج ... اسميج ما عرفتي تربين ..
أم سعيد : منو ؟؟ عباادي فديته شو سوى ؟!عباادي حبيبي تعاال ..
عبادي:أميييي (وبصريخ بعد مب شوي شوي ) أبااااا ألعب أنااا ...اليوووم اجازه صح!!
أم سعيد( مدلعتنه آخر العنقود هذا ) :هيييه ..العب فديتك ما علييه ..
اليده (ذبحها بروود أم سعيد ) :الله يخسج .... عزوووز هلكان يبا يرقد وانتي تقوليله العب ما علييييه ..!!!!!
وفي هالأثناء ياهم عمر ولد الجيران ربيع عبادي وكملت ..!!!
عبااادي (أول ما شافه ) :عموووور تعااال تعااال ..أبويه اشترالي سيكل كبيييييييير ..
عموور(فرحان): والله ...ويييييييينه ؟؟
اليده (ماسكه راسها ) :يالله بالعافيه... راااااسي ..راسي ..حسبي الله عليكم..كملت كان ناقصه !!!
أم سعيد: حبيبي عباادي سير العب فالحوش انته وعمر ... يدتك تصدعت وعمك راقد بتوعوونه ..
عبادي (وهو يسووق السيكل ويصرخ وعمر يركض وراه ): عمووور تعااال بنسير برع أوسع .....
أم سعيد :هيييه حبيبي برع أوسع إلعبوا هناك يلسوا تحت المظله...ولا تسوون ازعاج انزين أميييي ..
..طلع عباادي هو وعمور ويلسوا يلعبون فالحوش ..اليده يحليلها واااايد طيبه وحنونه بس عصبيه شويه ..بما انه اليوم الخميس والكل اجازات فالعايله كلها تتجمع فبيت بو سعيد للغدى لوجود اليده هناك...أول الواصلين كانت شمسه بنت اليده الوحيده من بين 3 شباب ...واحد منهم عرفتوه اللي هو بو سعيد وأصغرهم عبد العزيز اللي بعد ذكرناه ... بقى وااحد اللي هو بو وليد(خالد) بتتعرفوون عليه أكثر قريب ..والباقين بتتعرفون عليهم أكثر بعد ..اووووه صح نسيت أخبركم إن عندهم أخو ثاني اسمه محمد بس الله يرحمه توفى من ثلاث سنين وهو أكبر من عزووز بسنتين كان الله يرحمه يدرس فالجامعه .. وسبب وفاته انه كان رايح مع ربعه رحله لمنطقه سياحيه من مناطق السلطنه(قريات) ... المكان كان حلوو واايد فيه أوديه وشلاالات ...لكن المشكله انهم أول مره يروحون هناك وما يعرفون الاماكن الخطره ... فنزلوا يسبحون فالوادي ... والوادي سحب واحد من ربعهم ...محمد بغى يساعد ربيعه ... للأسف راااااااح معاه ... واثنين منهم كانوا داشين معاهم عشان يساعدونهم بس من حسن حظهم قدروا ينقذونهم قبل لا ياخذ الله أرواحهم ...وهذي قصه محمد بإختصار ...اللي موته طبع فصدر أمه الحزن والهم والخووف الشديد على عيالها وخصوصا عزووز لأنه شاب متهوّر وما اييلس فالبيت فمدلعتنه واااايد لأبعد الحدوود ... تحااول قد ما تقدر انها تلبيله كل طلباته ..
دشت شمسه ومعاها بنتها الوحيده سااره أما ريلها فما قدر يقعد معاهم عنده شغل واايد ...ساره عمرها سنتين يابتها شمسه بعد 8 سنين ..فكان وجود ساره له طعم ثاني ساروونه شي مميز فالعايله ياتهم بعد 8 سنوات من الإنتظار والعلااج ..وطبعا سلمت شمسه على أمها وحرمة أخوها أم سعيد ..فطووم ومرووه نزلن يتناقزن عشان يسلمن على عمتهن الوحيده والدلوعه ساروونه ...
فطوم (بنت بو سعيد عمرها 20.. سنه ثالثه فجامعة السطان قابوس كلية العلوم ):سارووني حبيبي حياتي عمري وينج انتي هاا؟؟!(وتلاعبها وسويره مستانسه لأنها يوم تيي معاهم تحصل اهتمام كبيير الكل حاطنها فوق راسه ..كيف لا وهي بنت عمتهم الوحيده وتعتبر أصغر وحده فالعايله كلها ) اشتقت لج يالدلوعه ... اموااااااح ..
مرووه (اخت فطوم وهي صف ثاني ثانوي ):بسج عاااد فطيم عطيني اياها فديتهاا ..
فطووم : مرووه دخيلج لا تغثيني البنيه ما تباج تباني أنا ..
ميثوه : ومنو قالج ما تباني ..أصلا هي تحبني أنا أكثر وحده ..
فطووم :يا مروه .. يا أختي العزيزه ..انتي تشوفين سارونتي وايد نعومه و رقيقه ما تحب تتعامل مع الدفشين أمثالج ..
ميثوه :الحين أناا استويت دفشه ..؟؟!!!
سارونه تضايقت منهن وراحت صوب أمها ..
شمسه : حبيبي سويرة أمهاا (وتبوسها من فوق راسها )...
اليده :والله ونـــوّر البيت ..تعالي سويره تعالي حبيبتي سلمي على يدتج ...
شمسه:ساره منو هذي يدووه ؟!
سارونه(ببراءه) : يدووه.. يدووووووه مالي أنا ..
شمسه: هيييييه ماما يدوووه مالج ههههه روحي سلمي عليها ..
وتسير سارونه صوب يدتها ...فطووم ومرووه يصفقلها ..
فطووم :يا سلاام ع الأدب هههههه..
مرووه : عااشت سااره عاشت ههههه ....
أم سعيد : بسم الله ع الياهل من تعليقاتكن ....ما تسكتن !!!
فطوم ومرووه بصوت خفيف :الحين شو سوينا حشى...
اليده (تحضن سارونه وتبوسها من فوق راسها ):صلاة محمد ع النبي ...ربي يحفظج سويره من كل شر ...الله يخليج لهلج غناتي ...(تشوف على القلب اللي لابستنه)الله منوو شرالج هالقلب الغاووي ..ما شاء الله ..
مرووه(ماده ايدها لسويره وبمرح):ساروني ...تعالي حبيبتي يايبتلج بتاتس (سارونه تسمي البطاطس بتاتس ) من المدرسه ...
فطوم : يالله مرووه سياسيه ....ليش تقصين عليها ؟؟
مرووه :والله والله إني يايبتلها ...
يدش عبادي ومعاه عمـــوور ...
عبادي (وهو يتشقلب ما شاء الله عليه يسوي حركات يوقف على يدينه ويتقلب):ساااااااااااروووووه ..
سارونه (فزت من حضن يدتها يوم شافت عبادي… تحبه يونسها هي حليلها فبيتهم كله تلعب اروحها بس يوم تيي هنيه غيير تلقى حد تلعب معااه ):أبااااااااااااااادي (تبا تقلده تسوي نفس حركاته )..
عبادي :سااااروووه ما ترووووم تسوي مثلي ههههههههه..
عموور :عبادي يايب شريط مال دراجات يلاا بنروح نشغله فالبلاي ستيشن ...
عبادي :يلاااااا سارووووه تعااااااالي ..
وساااروا اليهاااال فوق فحجرة عبادي ....
ــــــــــــــــــ!!! في بيت بو ناصر !!!ـــــــــــــــــ
شيما(تصير بنت عم فطوم ومرووه وهي صف ثالث ثانوي ):مريوم حبيبتي بلبس شيلتج العنابيه أوكي ...
مريم(أخت شيوم.. وفطوم مب بنت عمها بس هي توأم روحها يموتن ع بعض والفرق بين أعمارهن شهور بس حتى مريوم فكلية العلوم مع فطوم )...
مريوم (وهي تسحي شعرها الطوييييل وفوق هذا حلووواااايد وكثيف وأسود سواااد الليل ....ما ردت ع شيوم تحط عمرها مشغوله ومب منتبهه لشيوم ):...........
شيوم (محترقه من داخل بس مستحمله ما تبا تضارب عشان ترضى مريوم تعطيها الشيله ):مريوم ما سمعتيني فديتج ..أقولج أبا شيلتج العنابيه ..
مريوم (تلف شعرها ):آسفــــــــه....
شيوم (بترجي ) : دخيلج مريوم لون الشيله يناسب جلابيتي ...
مريوم :تعرفيني انتي ...كله ولا هذي الشيله بالذات ...
شيوم :انزين أنا شو بسويبها يعني ؟! إلا بلبسها ...
مريوم :إلبسي شيله سوداء تناسب كل شي ..
شيوم :حراام عليج مريووم ,.خاطري فيهاا ..
مريوم": لا تحرمين ع كيفج ونوووو يعني نووو ..خلاص لا تتعبين عمرج ..
شيوم(بخبث): أوكي ما بتعطيني ...بخبر رشوود (أخوها ..الثاني بعد أخوهم الكبير وليد وهو مهندس يشتغل فالديوان عمره 25 ) عن ذيج السالفه ...
مريوم (وهي مرتبكه ):أأ....أي سالفه ؟؟!
شيوم (بمكر):احم احم انتي تعرفين زين مب لازم اوضح ...
مريوم (فيها غم على شيوم تهديد يعني ):يا الدبـــــــــــــــه ...
شيوم (تنسدح ع الكرفايه ) :المهم .....تخيلي رشووود شو بيسوي يوم بيعرف ...
مريوم (تأشر بايدها على شيوم ):شيووم يا ويلج إن خبرتي رشوود....أصلا حتى أنتي بتغيبين منه..
شيوم:عيل عطيني الشيله ..
مريوم (استسلمت ) :برايج شلّيها ..
شيوم(نجحت في المهمه ):هههههههه....
مريوم :لييييش تضحكين ؟؟ .....خلاص رجعي الشيله ...
شيوم :لاااااااا لاااااااا بس بسكت (تحط ايدها ع ثمها )..
أمهن دشت عليهن .....
أم وليد :انتن شو تسون هنيه ...متى ناويات ان شاء الله تروحن بيت عمكن هاااا؟؟
ولا يعيبكن تتمخطرن قدام العرب ؟؟!!
**بيت قوم عمهم قريب وايد بس وسطهم مسجد فإذا تأخرن لين وقت صلاة الظهر ما بيرومن يروحن بيت عمهن لين ما يخلصون صلاة ****
مريوم:أمييي خلاص جاهزين نحن ...ما ورانا شي ...
أم وليد :يله عيل ...
وهم طالعين من باب البيت دخل وليد مع حرمته ميره (وليد ماخذ بنت خالته معرسين من 4 شهوور وساكنين اروحهم فبيت ايجار في منطقه غير عن منطقة أهله ) وليد وحرمته سلموا على أمه وخواته وراحوا كلهم بيت بو سعيد ...من دشوا بيت بو سعيد سلموا ع اليده وأم سعيد وبناتها وشمسه وكل واحد يسأل عن أخبار الثاني وعلومه ....وبعدين روّح وليد عنهم قال انه يبا يروح يسلم على ربيعه اللي من زمان ما شافه ....وربيعه فنفس المنطقه مب بعيد عن بيت عمه لين يتجمعون العرب كلهم لأن الصاله كلها حريم بس ..
فطوم ومرووه وشيوم ومريوم اتجمعن ع صوب بعيد شويه عن الحريم عشان ياخذن راحتهن فالسوالف والتعليقات ...
شيوم (تسأل مرووه ):عيل وين ساارووه ما اشوفهاا ؟؟!!
ميثوه(تشرب ماي):فوق مع عبادي ..
شيوم(بإستغراب):اروحهم فوق ؟؟!!
مرووه (تنزل كوب الماي وتحطه ع الطاوله ): هييييه ....أووووووه تصدقين من وقت يالسين هناك ما أدري شو يسوون !!!!
فطوم :مرووه سيري شوفيهم ...هذيلا ما يتخلون ارواحهم لا يلعبوون بشي !!
مرووه راحت تشوفهم ومعاها شيووم ......
في هالأثناء يدش رشود (أخو شيوم ومريوم إذا تذكرون )كان راد من المطار يستقبل ربيعه سلطان اللي يدرس فأمريكا ...رشود نشيط قايم من الفير مب مثل بعض الناس...
رشود:السلام عليكم ..
الكل: وعليكم السلام ..
اليده :شهباتك يوليدي ؟؟
رشود:الحمدلله يدووه اشحالج انتي عسااج طيبه ؟؟
اليده :دامني أشوفكم يوليدي أنا بخير وما أشكي باس ..
رشود :الله يخليج لنا ويطول فعمرج إن شاء الله يا شمعة البيت ..
أم سعيد :اشحالك راشد ؟؟
رشود:الحمدلله ..انتي اشحالج ؟؟
أم سعيد :ربي يعافيك ...
شمسه :وشحاالك رشوود ؟! وينك انته؟؟
رشود :هلا بعمتيه والله هلا يا حيها العمــه منوور البيت منوور..
شمسه(تعاتبه): منوور هاا ..ناسي ان عندك عمه ..ما تقوول برووح اشووفهاا أسأل عنهااا أسلم عليهاا..
رشوود:ههههه والله حراام علييج عمتيه تعرفين انا واايد بزي..
شمسه(بعدم اقتناع):والله ..زين زين ..
رشود:ولا تزعليييين بنييج انا وسعيييد يووم وحده ..كم عمه نحن عندنا ..إلا عمه وحده هههههههه ..
شمسه:ماشاء الله يبتهااا بقافيه وحده ههههه..
رشود:امبوني شاطر في الأدب والشعر انااا ..افاا عليج بس ..
أم وليد:ولديه هاااا هباته ربيعك ؟؟!!
رشود :الحمدلله أميييي يسلم عليكم ..
الكل :الله يسلمه ...
مريوم": أقول رشود ما تعبت تسلم عليهن وحده وحده ..ههههههه..
فطوم:مريامي دوريله جمله مختصره بحيث انه يسلم عليهن كلهن بدون لا يرهق عضلات لسانه هههههههه..
رشود:اندوكم ....أقووووووول سكتن سكتن خربتن الجو ...أوف حر حر ..
مريوم :قوول والله ...
رشود:ما بقول كيفي ههههههه.....
مرووه تصرخ من فوق :فطووووووووووووووووووووم فطوووووووووووووووووم تعالي شوفي الكاااااااااارثه !!!!
